كلمات شيلة يديم عز السعوديه حسين ال لبيد
كلمات : صالح الداغش
ألحان واداء : حسين ال لبيد
دام مجدك ياوطنا والقلوب بخير
دام في يومك عمار وليلتك هجعه
ياملاذ الخايف المبلي.. ملاذ الطير
يا ملاذ قلوب ذوبها السهر خشعه
والوطن وحده ولحمه واتحاد مصير
وحدة معزي أمانه ولاهي بّدعه
ماوطى هالحد حدّ ولا يجيه مغير
وان بغونا سبت مامر العدا جمعه
هذي نجران الأشاووس ماغشاها الضير
ما يبل الريق فيها من خذل ربعه
هذي جنوب الجنوب الوارف الخًًّضير
لونها لون العلم والرؤوس مرتفعه
ربي انعم من نعيمه للبلاد كثير
واعظم أنعام الزمان العدل والرفعه
عصر سلمان المفدّى ما يمر عصير
السنين امجاد وان عديتها بضعه
من يحث المجد غيره في الزمان مسير
يقتديه المجد في الروحات والرجعه
ولولي العهد عهد وبيعه وتقدير
سيد الرؤيه يبيّن في العدا وقعه
وانت عدتك العيوب وشرهة التقصير
الخطأ يكره يمينك جبرة النفعه
وجلوي حدّ الصعيبه والصعيب يسير
حبكة الإنجاز تروي وحبكة الصنعه
ناخذك للطيب قدوه ونحسن التنظير
وكل طيب ما وصل بالطيب لو ربعه
والوطن حلمه حقائق والطموح كبير
خير من سّب الظلام نوّقد الشمعه
