كلمات شيلة قايدنا الشهم جمعه العريمي
كلمات الشاعر : سالم بن هياي المنصوري
عاش راس المجد والطود الشهم
دامه الله عز للاوطان دامه
رئيس الدوله وقائدنا لاهم
لي يحسب العالم الدولي مقامه
لاغدى لشور في الازمه حسم
ينوخذ راية ويحسب له كلامه
به نفاخر بين قادات الامم
هامة بالعز والامجاد هامه
طيب بوخالد غدى كنه علم
بالسياسه والمروه والشهامه
كاسب بطاريه وفعوله نعم
بالجزايل في المكارم والزعامة
لابتسم الشعب كله يبتسم
دامها الله يامحمد لأبتسامه
دعمه وخيره على لبلاد عم
للمواطن معطى كل اهتمامه
في وجوده مايشل الشعب هم
كيف ينقل هم ومحمد حزامه
راسم التطوير بالخطه رسم
وخط واضح راسخا للاستدامه
في وطنا نحمد الله عالنعم
والامان اللي نعيشه والسلامه
في ذراه الشعب بالخيرات عم
نفس حكم العود زايد في نظامه
دار زايد اسمها اصبح وسم
للسلام وللعدالة والكرامه
العلم مرفوع في عالي القمم
بالشموخ يشارك العز الغمامه
