كلمات شيلة من ظروفي تعلمت كلمات الشيلات
كلمات : فهد العدواني
اداء : طلال الثنوان
الكلمات:
اي والله اني من ظروفي تعلمت
بعض البشر لا طحت ما ينفعوني
حتى ولو اني بحاجاتهم قمت
اكيد انا لحتجتهم يخذلوني
أثري بواجد في حياتي توهمت
ذخرتهم للمعضلات ونسوني
وان كان عانوني ليامن تكلمت
عن ضيقتي هم ليه ؟ مايسألوني
ترا الحياء يفرض على مثلي الصمت
وأن كان ماحسو أبي .. يتركوني
ياكثر ماني في ( رفاقه ) تندمت
اللي ليامن غبت مايفقدوني
اللي علي وصلي لهم مابعد شمت
وبضيقهم لبيت لو ما دعوني !
وحنيت من طيبي / عليهم ولزمت
ومديت لو ادري بهم .. يجحدوني
من طيب راسي .. من نكري تبسمت
وعديتها من باب .. ضاقو وجوني !
واليوم من يقدم بخطوه تقدمت
ومن صد حال الصد دونه ودوني
له حق .. اذا شفته من بعيد سلمت
مابي أجاملهم ولو جاملوني
من قام لي بالواجب / آبواجبه قمت
ولا علاقات الرخى .. يعذروني !
والحمد لله من ظروفي تعلمت
بعض البشر لو ضقت ماينفعوني !
